Chattanooga, Tennessee 田納西州查塔努加

第二日去同樣响田納西州既 Chattanooga, Tennessee。

由 Nashville 出發，開三至四個鐘頭車，經過無數美麗既 Allegheny Mountains 後，就到達峽谷中間既 Chattanooga。Chattanooga 係一個美國既小型城市，但係田納西州第四大城市。呢個城最出名既就係佢既自然風景，好似歐洲布達佩斯，而且佢附近有座 Lookout Mountain，地位相當於美國南部既大帽山。馬丁路德响 "I have a Dream" 都有一句 "Let freedom rings from the Lookout Mountain of Tennessee"。

美國南方雅典、鄉村音樂之都－田納西州納士維 Nashville, Tennessee

旅程既第一站，由 Urbana Illinois 開車去田納西州既納士維 Nashville, Tennessee。納士維被譽為美國南方既雅典，亦都係美國既鄉村音樂之都。因為順路既關係，我地會經過呢個城市參觀一日半。

我地全程行 Interstate Highways，行 Interstate 57 South 轉 Interstate 24 East，經過肯塔基州 Keuntucky，响 Kentucky 食個個 KFC，用兩個半鐘就到 Nashville。Tennessee 既道路保養比 Illinois 好，因為唔會落雪。

開高速公路入城，Nashville 既外觀同普通美國中型城市無咩分別，市中心都有好多棟高樓大廈，高速公路發達，但往往入到市中心就好荒蕪，好多爛地停車場，車比人多幾十倍。呢個城市特別突出既地方，係過馬路提示比盲人既聲，係啲金絲雀叫既聲黎，所以响市區開住窗開車，會聽到好多金絲雀叫，好正。

我地夜晚睇 Opry and Ryman 既表演，下晝兩點鐘到到市中心，所以我地响市中心搵咗個 All Day Parking，再响市中心週圍用腳行下。

2012 - 2013 聖誕節美國南部自由行

小弟 2012 年响 University of Illinois at Urbana-Champaign 讀完書，咁讀完書就同班朋友一齊開車自由行。經過一番討論後，最後決定由我個大學城開車自由行，經過佛羅里達州上紐約。

今次自由行用三個禮拜，由 Urbana, Illinois 出發，經過既主要大城市有 Nashville, TN; Chattanooga, TN; Atlanta, GA（阿特蘭大）; Tampa, FL; Miami, FL（邁亞密）; Key West, FL; Jacksonville, FL; Savannah, GA（薩凡納）; Charlotte, NC; Richmond, VA; Washington DC（華盛頓）; Baltimore, MD（巴爾的摩）; Wilmington, DE; Philadelphia, PA（費城）; Atlantic City, NJ（大西洋城）; Newark, NJ, New York City, NY。

其實去咗咁多地方，都只係大約洗咗一萬蚊港紙鬆啲。美國如果開車自由行，最緊要夠人，因為好多價錢都唔係計人頭，例如租車、油錢同酒店。我地有四個人，可以除四；五個人更平啦，但係坐車坐得唔舒服。

租車旺季租咗三個禮拜連兩個司機既全險都係千一蚊美金，油錢一千蚊到（嗰陣普遍 $3.2 ~ $4 一加侖，貴過而家 2013 年，邁亞密同芝加哥去到超過 $4.2）。額外如果行收費高速公路每次都可能十幾二十蚊，好似我由奧蘭多開車去邁亞密行 Florida's Turnpike 行咗我十八蚊，但除四都變咗五蚊，响紐約都只係坐到兩次巴士。如果自己坐 Amtrak 或者飛機續人計已經貴過呢條數，轉巴士出市區每人 $5 都好係嘢。做司機嗰個慘啲啫（我係其中一個 haha）

住嗰方面，因為有車，可以住啲市郊高速公路隔離既汽車旅館，唔洗住市中心。汽車旅館每晚平均 $50，唔洗泊車錢，再加 Hotels.com 啲十送一優惠慳返好多筆，住得舒服，如果住 hostel 咁十一點即刻瞓，唔洗同人爭廁所，同埋 hostel 用人頭計一個人都可能 $50 美金，仲未計可能要泊車錢。

中間 The Forum 係一間响邁亞密北部車程 25 分鐘既四星級酒店，係用之前去旅行草既咁多晚免費換返黎既。如果無車要坐火車過去，Google Maps 計要大約個半鐘，我只要 25 分鐘

成程最貴都係入場費，尤其係 Universal Studio，每個人接近 $100 US，泊車都要 $20 US，但抵玩既。

食嘢，其實美國南部啲嘢食無咩特色，最有特色咪係極嚇人既吉列西蘭花…遇到 Bob Evans 咪食，遇唔到就日日食麥當勞 US $1 既沙律…

下篇文第一站 Nashville, Tennessee　田納西州納士維，美國鄉村音樂之都。